Erl KODRA
“Për shkak të origjinës së tyre të dyshimtë, sulme të tilla nuk e cënojnë aspak aleancën e News24 me opinionin publik dhe teleshikuesit. Askush të mos trembet nga vendimet tona, nëse s’ka gjë për t’i fshehur publikut”.
Ky është paragrafi i fundit i dekleratës së Bordit të News24, dhënë sot pas sulmeve, siç konsiderohen nga kjo media reagimet e jashtëzakonshme të publikut, pas largimit të dy gazetarëve të njohur Ylli Rakipi dhe Adi Krasta.
Ylli Rakipi dhe Adi Krasta moderonin dy programe me impakt të fortë në publik, të pozicionuar dukshëm kundër Edi Ramës. Me sa duket kjo është arsyeja e vetme pse u mbyllën këto programe televizive, pavarësisht se çfarë dekleratash lëshon Bordi i News 24.
Para disa muajsh Ylli Kadria (Rakipi) do t’i thoshte me zë këto fjalë për Ed Diarreja (Rama):
Aman, – më the, të lutem! Ishe gati të më puthje këtu në qoshe, po të ishe afër.
Më ndihmo, – më the! Bëj një gjë në gazetë, se vetëm ti mund të më ndihmosh. Më shpëto! Aman, të lutem!
Por, ctë bëj- thashë, se përmbytjen e kemi nëpër këmbë.
Po ja, – thuaj se portën e hapi një i çmendur, djali i Bales.
Dhe unë e bëra. Bëra gjënë më aprofesionale dhe më të ndyrë në jetën time, sepse mu dhimbe. Kur qan ti, sikur qan një qen që është duke ngordhur.
Hapa gazetën me titullin e madh: “Djali i Bales, mbyt Tiranën”. Njerëzit u tronditën, por edhe u qetësuan. Fjala mori dhenë, që Tiranën e kishte mbytur një i çmendur. E mori edhe shtypi francez, besoj të kujtohet. Me siguri, edhe atje ke marrë në qafë një redaktor të mjerë.
“Një i çmendur mbyt Tiranën”, shkruajti shtypi francez.
Nuk e di nëse Bordi i News 24 është në dijeni të kësaj përplasje “titanësh”, veçanarisht për denoncimin e korrupsionit kanibal me “Unazën e Re” që Ylli Rakipi e ka bërë në programin “Të Pa-ekspozuarit”. Ose a e kanë parë ndonjëherë Fatos Lubonjën dhe Andi Bushatin teksa e masakrojnë Kryeministrin Edi Rama bash në tavolinën e Ylli Rakipit? Nëse Bordi është në dijeni të marrëdhenieve mes Ylli Rakipit dhe Edi Ramës, me keqardhje duhet të them se ata burra dhe gra të Bordit të News 24, për turpin e tyre mashtrojnë publikisht.
Në të vertetë, të mashtrosh për arsye njerëzore është një gjë, por të mashtrosh publikisht për interesa thellësisht personale, duke e paketuar mashtrimin në kuti morali, është neveritëse.
Se di pse, por ndërkohë që shkruaj, m’u kujtua Agon Channel dhe Francesco Becchetti, i cili sipas burimeve të sigurta, ka fituar afërsisht 140 milion euro kundër Shqipërisë, në një Gjykatë Ndërkombëtare, pas shkatërrimit të Agon Channel me urdhër të Edi Ramës. Me siguri, shifra që mund të ketë përdorur Edi Rama për të mbyllur emisionin “Të pa-eskpozuarit” të Ylli Rakipit është më e vogël, por impakti publik është shumë më i madh, sepse “Të pa-ekspozuarit” ishte nga mediumet e fundit kundër Faraonit tonë. Pas kësaj, opinioni publik ka mbetur në mëshirën e Eni Vasilit, Sokol Ballës, Artur Zhejit dhe Blend Fevziut, ku do të dëgjojmë ligjërime pa fund të Skënder Minxhozit, Spartak Ngjelës, Fatos Klosit, Laert Vasilit, Mustafa Nanos, Lorenc Vangjelit, Preç Zogaj dhe ndonjë tjetri.
Adi Krasta nuk është gazetari tipik, por është showman-i tipik, i aftë të ndërtojë një program televiziv duke folur i vetëm në skenë, në disa rregjistra krejt të veçantë. Këta zëra publik mund të mos jenë më të mirët, por thelbi është se brenda tyre gjallon ndërgjegje publike, për të cilën kemi nevojë më shumë se kurrë. Pas kësaj, çfarë do t’i ofrohet shqiptarëve në ekranet tona?!
Me siguri, gjithçka përveç të vertetës. Dyert e fundit u mbyllën këtë verë të nxehtë. Planet e Edi Ramës për terror mbi fjalën e lirë vazhdojnë me portalet dhe zërat e tjerë, edhe nëse ata nuk jetojnë në Shqipëri. Por herë tjetër do të tregoj rreth përvojës personale me terroristin Edi Rama.
