Shërbimi Meteorologjik Ushtarak ka publikuar parashikimin e motit për këtë javë.
Sipas SHMU, java nis e nxehtë, pasi të hënën në disa qytete si në Tiranë dhe Gjirokastër temperaturat do të shkojnë deri në 38 gradë.
Më pas, temperaturat do të pësojnë rënie graduale deri në fundjavë.
“Javën e ardhshme, në vend mëngjeset kanë tendencën të nisin të kthjellëta. Gjatë orëve të mesditës, si shkak i lagështirës, krijohen kushtet për zhvillime të vranësirave. Përgjatë maleve, reshjet e shiut do të bëhen të pranishme në afate kohore të shkurtra. Në formë të izoluar do të marrin karakter shtrëngatash.
Era do të fryjë, kryesisht nga juglindja e veriperëndimi, e lehtë dhe përkohësisht mesatare në mesditë e pasdite përgjatë bregdetit.
Sa i përket temperaturave, do të vijojnë të mbeten të larta në fillim të javës e gradualisht do të pësojnë rënie të lehta”, sqaron Shërbimi Meteorologjik Ushtarak.
