Para ca ditësh ishte Kongresit i PS. Një kongres që nuk kishte pse mblidhej për të harxhuar kaq shumë kohë dhe euro, por gjithsesi u prit se diçka do të thuhej si zgjidhje për krizën e rëndë ku ndodhet vendi dhe që ka rrezik për konfrontime serioze.
U fol se do kishte zëra kritikë në kongres, por asnjë guxoi. U thanë vetëm fjalë lavdëruese për kryeministrin. U votuan 100 përqind si dikur. Foli edhe vetë shoku Edi Rama. Brohoritje, delegatët që vinin nga doganat dhe tatimet sa nuk shqyenin fytin duke brohoritur “Rroftë Udhëheqësi i Madh i Partisë dhe Popullit, shoku Edi Rama!”. Lotë të disa delegatëve kur takonin Edi Ramën, bënin foto dhe qanin nga gëzimi.
Asnjë kritik nuk u bë i gjallë sot në Kongres. Ku ishin strukur? Ndërsa në fund edhe ata votuan 100%.
Dhe Edi Rama që përshendeste me dorë dhe shikonte sallën me hare. Me pas në sheshin “Nënë Tereza” edhe një fjalim i madh, historik. Sulmoi dhe nuk la gjë pa sharë për kundërshtarët e tij.
Ata ia kaluan edhe Enver Hoxhës, i cili kongreset i mbante në sallën e pallatit, kurse Rilindja e kaloi nga salla në sheshin “Nënë Tereza”.
