Qerim Mata, i njohur ndryshe edhe i Lefter Lefteri personazh i luajtur prej tij në filmin “ I teti në bronx, është ndarë nga jeta ditën e djeshme në mbrëmje.  Sipas informacioneve  mësohet  se varrimi do të bëhet ditën e sotme  në orën 15:00.

Ai njihet  ndyshe edhe si regjizor i filmave kornikalë dhe dokumentarëve. Artisti i talentuar u lind më 10 tetor të vitit 1934 në Tiranë. Pasi përfundoi studimet në  Institutin e lartë të Arteve,  filloi punë tek Kinostudio Shqipëria e re, në rolin e asistent regjizorit.  Në vitin 1972 ai realizon dokumentarin Motive Dibrane, ky i fundit u pasua nga 35 dokumentarë të tjerë.

Në dokumentarët e tij ai shpesh e vinte fokusin në problemet e jetës së përditshme, ndër ta përmendim: Nëper rruget e një qyteti, Porti i Durrësit, Një ditë  në trasë, Me detarët e linjave të largeta, Fshati Llukaj, Tregim për njeriun e punes etj.

Gjithsesi ai ka prekur edhe tema të tjera që lidhen me historinë, shkollën, mësimdhënien dhe heronjtë, ndër to mund të përmendim: Lufton djali, lufton plaku, Lufton Mujo Ulqinaku, Kujdes, kujdes, Teatri partizan, Spartakiada, Valbona.