Aktori i njohur shqiptar, Marko Caka është bërë pjesë e kastit të filmit “Bad boys in life”, ku në rolin kryesor luan Will Smith.
Në një prononcim për “Telegrafin”, aktori me famë ndërkombëtare ka treguar se përzgjedhja e tij për këtë film është një ëndërr. Ai tregoi edhe reagimin fantastik të Smith kur mësoi se Marko është shqiptar:
“Ishte ëndërr për mua të luaj pranë Will Smith, të cilit ia kam shprehur në takimin tim të parë dy vjet më parë, dhe që e ka pritur shumë mirë, aq më tepër kur mësoi se jam shqiptar”, pohoi artisti.
Episodi i tretë i këtij filmi ka një pritshmëri të madhe pasi bashkon edhe një herë pas 23 vjetësh dy protagonistet kryesore Smith dhe Martin Lawrence.
Sipas Sony Pictures, në këtë film kanë shprehur dëshirën t’i bashkohen kastit edhe yje të tjerë, por emrat e tyre akoma nuk janë bërë publike nga ana e produksionit.
Premiera e filmit pritet të shfaqet në ekranet e mëdha të kinemave botërore në fillim të vitit 2020.
Xhirimet e filmit do të fillojnë në muajin janar të vitit të ardhshëm gjersa disa skena filmohen në Atlanta dhe Miami.
