Zanfina Ismaili ka filluar të tregojë më shumë për jetën e saj. Pasi tregoi për ndarjen nga lidhja 11-vjeçare me Faton Shoshin, këngëtarja ka rrëfyer edhe për sëmundjen e saj të rrallë.
E ftuar në “Tour de Cool”, Zanfina ka treguar se ka kaluar një fëmijëri të vështirë për shkak të sëmundjes, të cilën fillimisht doktorët nuk mundën ta gjenin se çfarë ishte.
”Kur kam qenë e vogël, besoj 10 vjeç, kisha probleme me kockat në pjesën e kofshëve. Mjekët nuk e dinin se çfarë është, në atë kohë nuk njihet aspak sëmundja e skoliozës. Shtylla ime kurioze ishte e shtrembëruar. Kam vizituar shumë mjek, mami nuk ka lënë mjek ortoped pa më dërguar. Kujtoj që dhimbjet ishin të tmerrshme dhe u detyrova që të mos shkoja në shkollë për shumë muaj. E kam zbuluar se çfarë kisha shtatë ose tetë vite më parë! Edhe tani kam dhimbje, në pjesën e shpinës sidomos por mundohem që të mos marr mjekim se nuk dua të jem e varur ndaj tyre”,-u shpreh këngëtarja.
