Lajmi i rremë është publikuar në fakt një vit më parë dhe bëri shumë bujë.Lajmi është rikthyer sërish nga portalet italiane, duke vënë në pikëpyetje seriozitetin dhe etikën e mediave online.
Një gazetë italiane bëri bujë ditën e sotme duke publikuar një lajm të rremë për vdekjen e balerinit të njohur me origjinë shqiptare, Kledi Kadiu. Artikulli me titullin provokues: “Lamtumirë Kledi Kadiu, balerini i Amicit largohet shumë shpejt: iku! Ata u përpoqën të bënin çdo gjë”, shkaktoi shumë reagime në rrjetet sociale dhe mes ndjekësve të tij.
Kadiu, i njohur për qasjen e tij ironike, reagoi menjëherë përmes një postimi në “Instastory”. Ai publikoi një fragment të lajmit dhe shkroi:
“Më tregoni se kur do të bëhet funerali, kështu që të kaloj për të bërë një përshëndetje të fundit.”
Kledi Kadiu, i cili prej vitesh ka ndërtuar një karrierë të suksesshme si balerin dhe koreograf në Itali, mbetet një nga emrat më të dashur për publikun shqiptar dhe italian.
