Për të gjithë mjekët dhe personelin mjekësor që shërbejnë dhe impenjohen në spitalin “Shefqet Ndroqi”, përherë e më tepër duhet të ketë vlerësime maksimale. Nuk është rastësor ky konstatim i imi, por objektiv dhe shumë meritor, mbështetur në një përvojë timen.
Në mesin e tyre do vecoja mjekun Leon Shpataraku, të cilin do e falënderoja përzemërsisht dhe në emër të familjes sime për përkushtimin e tij gjatë tre ditëve të qëndrimit tim në këtë spital për arsye shëndetësore.
Humanizmi është gjëja që vlerësohet më së shumti tek përparëset e bardha e në të njëjtën linjë duhet spikatur dhe profesionalizmi, për të cilin dr. Leoni shquhet si një mjek mjaft i aftë dhe me shumë reputacion në fushën e mjekësisë.
Komunikimi me pacientët dhe durimi i skalitur janë virtyte që jo vetëm e fisnikërojnë, por dhe e bëjnë dr. Leonin një figurë të dashur për të gjithë kolegët e tij .
Faleminderit dr. Leoni për shërbimin e padiskutueshëm që ofron.
Në gjykimin tim njerëz dhe intelektualë të tillë lipset që të vlerësohen, t’u shprehim mirënjohje e respekt për kontributin e tyre dhe t’i lartësojmë këto figura që të bëhen shembull e burim frymëzimi edhe për brezat e ardhshëm të mjekësisë.
Është pikërisht kjo arsyeja që këtë shkrim portret ia dedikoj me meritë dhe dinjitet mjekut të talentuar e të palodhur Leon Shpataraku.
