Sipas MeteoAlb, vendi ynë do të jetë nën ndikimin e kthjellimeve dhe kalime të pakta të vranësirave përgjatë gjithë ditës. Parashikohet që orët e para të ditës të jenë në mbizotërimin e kthjellimeve.
Por pas mesdite pritet të ketë shfaqje të përkohshme të vranësirave në zonat malore dhe pjesërisht në zonën e ulët. Vija bregdetare do të jetë në dominimin e kthjellimeve edhe gjatë pasdites dhe mbrëmjes.
Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 0°C deri në 18°C.
Era do të fryjë e lehtë dhe mesatare në det me shpejtësi 28 km/h nga drejtimi veriperëndimor duke krijuar në brigjet detare dallgëzim 1 – 2 ballë.
