Nga Agron PREBIBAJ
Qysh dje në drekën e shtruar nga Skender Përpepaj per pritjen e kongresmenit Jozef Dioguardi, muzika e kënga pushtoi tokën e qiellin londinez.
Edhe kongresmeni DioGuardi e kërkoi spjegimin e këngës Nikaj-Mertur, një përcjellje kjo e historisë tonë në muzikë me vargjet – “Kosovë trimja po çon fjalë, kush ma çet zanin në Shalë…, janë bashkue Nikajt tetanë kanë kcue lumin e dalë matanë, i kanë thirrë fisit të Merturit mej bashkue djemt e barutit…”, ndërsa sot përseri Sofra e Nikaj-Merturit, hapet me këngën hymn, “Amanet e kam prej gurit, mej kndue një kangë NikajMerturit”, kënduar nga Nikolin Perpali, përcjellje kjo sa e lashtësisë, qendresës por edhe së bukurës.
Artistat e Nikaj- Merturit, me bashkëngjitjen e artistëve Dukagjinas e nga Malësia e Gjakovës në prezencën e qindra gëzimtarëve, një ditë për tu veçuar, e ngjitur në altarin e muzikës si përcjellje Homero-Fishtiane, pasi në vargun e ketyre këngëve meditohet forca e Omerit, Ajkuna, Muja e Halili, Gjergj Elez Alia, një ngjizje kjo e rrallë për artin shqiptar.
Gjithçka nën organizimin e Skender Përpepaj me producent Dr.Mhill Gecaj, me moderatorët Jurgen Palnikaj & Lindita Bushgjokaj, kjo festë ka dhënë zjarr e hare me këngë, valle e muzikë.
Festën e mbushur me gëzim e përshëndeti z.Agron Qokaj – sekretar i përgjithëshem i shoqatës Nikaj – Mertur, i cili solli urimet më të mira për organizatorin, artistët e pjesëmarrësit.
Festën e ndezën artistat, Nikolin Perpali, Gofile Paplekaj, Prek Mrishaj, Nikoll Nikprelaj,
Arben Gjeloshi, vëllezerit Gjon e Ndue Nika,
Ylber Gjoni, Danjela Kovaçi etj, ndërsa instrumentistet Gjon e Ndue Nika dhe Besnik Demushi i dhanë focën muzikore gëzimtarëve të kësaj feste.
