Ndërsa pasioni dhe dëshira për të udhëtuar mbeten personale, Booking.com ka sugjeruar destinacionet kryesore më në trend për vitin 2024.
Agjencia më e madhe e udhëtimeve online, me qendër në Amsterdam e ka renditur Shqipërinë mes 10 destinacioneve më të mrekullueshme dhe unike për të udhëtuar në vitin 2024, shkruan në një artikull revista amerikane e udhëtimeve “Hospitality Net”.
Rrotulloni globin dhe përgatituni të lundroni përgjatë deteve dhe lumenjve, të zbuloni mrekullitë nëntokësore dhe të rilindni shpirtërisht me një nga destinacionet më gjallëruese mesdhetare, Shqipërinë e cila ofron një eksperiencë unike dhe të paharruar!
Vlorë, Shqipëri
Xhevahiri i Ballkanit, Shqipëria është një nga destinacionet më në trend për të udhëtuar në vitin 2024, pasi ofron plazhe me ujëra të kaltra, male mbresëlënëse dhe çmime të përballueshme për të gjithë udhëtarët.
E vendosur në jugperëndim, Vlora është një perlë e panjohur bregdetare, pikënisja e Rivierës Shqiptare dhe një bazë e shkëlqyer për të eksploruar peizazhin e mrekullushëm që të ofron perëndimi i diellit në bregdet.
Shtëpia e disa prej plazheve më të bukura të Shqipërisë, vija bregdetare e shndritshme u ofron vizitorëve pushime luksoze të ngjashme me ato në Maldive, por me kosto të reduktuar, një opsion i mirëpritur për 43% të udhëtarëve.
Gjatë ditës, vizitorët mund të shëtisin përgjatë shëtitores së veshur me palma, të eksplorojnë Lagunën e Nartës ose të shijojnë një udhëtim me varkë në gjirin e vogël por mahnitës të Gramës.
Vlora po shfaqet gjithashtu si një destinacion i rëndësishëm për traditën e kuzhinës shqiptare: ju mund te shijoni pjatat italiane vetëm me një “kërcim” përtej Adriatikut, apo kuzhinën vendase me produkte të freskëta deti.
Atmosfera e qetë e plazhit inkurajon vizitorët të lidhen me natyrën përmes gjelbërimit dhe dhomave pranë bregdetit, të gjitha me pamje nga Adriatiku.
Gjithashtu, turistët mund të provojnë ushqimet e shijshme tradicionale të servirura në afresk në kopshtet e hoteleve.
