Kandidati i Partisë Demokratike për Kryetar Bashkie në Tiranë Roland Bejko, vijoi turin e takimeve elektorale duke takuar sipërmarrës dhe banorë të zonës së “Misto Mames”.
Kandidati demokrat për Bashkinë e kryeqytetit, duke u shpërndarë fletëpalosje me programin për Tiranën, vuri në dukje premtimin për uljen me 50% të taksave.
Roland Bejko po ashtu kujtoi se shpresa për një të ardhme më të mirë duhet mbajtur gjallë, ndërsa një prej banorëve i rrëfeu eksperiencën në emigrim dhe kthimin në Shqipëri.
Kandidati i PD-së për Tiranën, Roland Bejko në këto zgjedhje garon me moton “Frymëmarrje për Tiranën” dhe përmes programit angazhohet në ndërtimin e kopshteve dhe çerdheve, të cilat sipas tij nuk duhet të jenë 15 minuta larg vendbanimit. Për biznesin premton ulje të taksave, ndërsa në fokus janë dhe të rinjtë dhe përballja me fenomenin e emigracionit.
