Kryerilindasit shumë-ngjyrësh të Tropojës i plas zemra nga takimet e zjarrta dhe sallat e mbushura plot me demokratë, e nis ndaj tyre një fushatë sulmesh e shpifjesh ordinere përmes faqeve të patronazhistave me skemën e të pabesit hidh gurin e fshih dorën.
Dhe ne si Degë e Partisë Demokratike po i themi dy fjalë kryerilindasit të shumë-partive, i cili përpiqet të mashtrojë opinionin publik dhe sulmon përmes shpifjeve demokratët dhe e garantojmë që përgjigje të përshkallëzuar do ketë sa herë ta tentojë të sulmojë demokratët dhe sa herë të mashtrojë përmes pseudo gazetarëve të tij, që i paguan me taksat e qytetarëve.
-Stadiumi i futbollit “Valbona” është ndërtuar nga administrata e djathtë me kryetar Besnik Dushen dhe kryerilindasi mjafton të shkojë të shkrepë fotot HD për reklama se për punë tjetër nuk është.
Dhe për sqarim asnjë qindarkë nuk është dhënë nga qeveria rilindase për ndërtimin e stadiumit, por financimi ka ardhur nga sponsorë të ndryshëm dhe nga të ardhurat e bashkisë, të ardhura faktike dhe jo si të ardhurat e kryerilindasit që tenderon rrugë elektorale pa asnjë qindarkë në buxhet.
Ne sfidojmë tradhëtarin patronazhist që të nxjerrë një dokument të vetëm, që fakton financimin e stadiumit të futbollit nga ana qeverisë, sepse nuk ecën më kjo skema hidh mashtrimin në çorbë e leje të përzihet nëpër faqet e patronazhistave.
Më tej, marrja e financimeve nga qeveria është zotësi, veçanërisht kur ke qeverinë kundër, sepse të gjithë qytetarët e dinë se çfarë projektesh madhështore u realizuan për Tropojën dhe sidomos për qytetin e Bajram Currit, nën drejtimin e bashkisë nga të djathtët dhe kryetar Besnik Dushaj, kurse tani që 4 vite me zero investime serioze nga qeveria, sepse askush se merr seriozisht shumë-ngjyrëshin që drejton sot aksidentalisht Bashkinë Tropojë.
Për sa i përket sulmeve bajate të bëra ndaj demokratëve të Tropojës dhe Shqipërisë, janë thjesht sulme të bëra nga një njeri që nuk di çfarë është fjala, besa dhe dinjiteti njerëzor, por askujt si bën më përshtypje, sepse demokratët e dinë nivelin e tij të ulët, të denjë për një tradhëtar të pabesë, dhe në fakt këto 4 vite e mësuan dhe socialistët e ndershëm nivelin e tij të pabesisë, servilizmit, injorancës, arrogancës dhe vjedhjes.
Nuk ta ka njeri fajin pse ty të vjen në takim nga Tirana vetëm Pandeliu i gjorë me gojën e qepur o kryerilindas, ndërsa Besnik Dushës i vijnë figurat më të larta të Partisë Demokratike.
Nuk është faji i askujt përse ty nuk të do as partia jote, kështu është kur ndërron ngjyrat si ai semafori 40 milionësh tek kryqëzimi i Dragobisë, bëhesh njeri pavlerë dhe nuk të merr kush seriozisht, sepse e dinë që në mundësinë e parë ju fut thikën pas shpine.
Gjithsesi, koha jote mbaroi dhe Tropoja do çlirohet një herë e përgjithmonë nga sekti yt i propagandës dhe hajdutërisë. Mbaroi koha e atyre që mendojnë se nënshtrojnë Malësinë e Gjakovës. Në 14 Maj nis një epokë e re për Tropojën.
BASHKE FITOJME! 🇦🇱✌️
