Zgjedhjet e përgjithshme parlamentare të 25 prillit kanë dhënë një konfiguracion të ndryshëm politik, ku shumë subjekte kanë zgjedhur të garojnë më vete ose të bashkuara në mini-koalicione, duke zgjedhur të mos i bashkohen asnjërës prej forcave kryesore politike.
Këtë zgjidhje ka bërë dhe Aleanca Demokristiane e kryesuar nga ish-ambasadori Zef Bushati, i cili përmes njoftimit të bërë nga sekretari i përgjithshëm i kësaj partie, ish-deputeti Eduart Ndocaj, njofton zyrtarizimin e marrëveshjes me një tjetër subjekt politik, ADR e drejtuar nga z. Stojku, të cilët së bashku formuan koalicionin “Për Shqipërinë Europiane”.
Ndocaj, përmes statusit, njofton kandidimin e tij në emër të këtij koalicioni në qarkun e Lezhë, duke nënvizuar se diçka e tillë është mirëpritur nga shumë qytetarë dhe mbështetës të tij.
Njoftimi i plotë i z. Ndocaj:
Kjo aleancë në mes partive, ADK-ja e z.Bushati dhe ADR-ja e z.Stojku “Për Shqipërinë Europiane”, u prit me entuzuasëm dhe me mjaft pritshmëri nga shumë qytetarë shqiptarë, të cilët e vlerësojnë si aleancë e njerzëve të ndershëm, kundër të korruptuarve majtas dhe djathtas.
Ne synojmë, që së bashku si të qendrës demokristiane, të majtë dhe të djathtë, të votojnë më 25 prill në çdo cep të Shqipërisë ADR.
Së bashku do ia dalim! Rroft Shqipëria dhe Shqiptarët!
ADR, në qarkun e Lezhës, ka vendosur të garojë në aleancë me ADK, e përfaqësuar nga Z. Eduart Ndocaj, ish deputet i Kuvendit të Shqipërisë dhe Sekretar i Përgjithshëm i ADK.
Bashkë me qytetarët, për një përfaqësim sa më dinjitoz ? #aleanceqytetare
??MË 25 PRILL VOTO ADR??
