Policia e Tiranës reagon pas akuzave të ish-deputetit Kastriot Islami për dhunë gjatë shoqërimit të tij në komisariatin numër 2 në kryeqytet.
Përmes një deklarate për mediat, “Blutë e Kryeqytetit” akuzojnë Islamin për dhunë verbale ndaj punonjësve të policisë dhe mohojnë pretendimet e tij për ushtrim dhune.
Reagimi i plotë i Drejtorisë Vendore të Policisë Tiranë
Në mënyrë të përsëritur shtetasi Kastriot Islami është prononcuar publikisht me pretendimin që Policia e Shtetit e ka keqtrajtuar.
E vërteta është se ky shtetas ka keqtrajtuar punonjësit e patrullës policore me një fjalor shumë të ulët.
Kastriot Islami është ndaluar nga patrulla e Përgjithshme si një kalimtar pa maskë. Ai menjëherë ka lëshuar ndaj punonjësve të policisë fjalë të ulëta, duke pretenduar se ai ishte një figurë publike që nuk mund të ndalohej prej tyre. Madje shtetasi i ka kërcënuar punonjësit e policisë, që “do ta shihnin pas 25 prillit, si të gjithë zagarët e Ramës”!
Patrulla e policisë është detyruar ta shoqërojë atë në komisariat, ku janë kryer procedurat ligjore dhe i është komunikuar gjoba për mosmbajtjen e maskës mbrojtëse.
Duke hedhur poshtë akuzat e fabrikuara nga shtetasi Kastriot Islami për Policinë e Shtetit dhe shprehur keqardhjen për fjalorin e tij ndaj punonjësve tanë, gjejmë rastin të theksojmë se Policia e Shtetit nuk i shërben politikës por ligjit“.
Policia e Tiranës shoqëroi në komisariat shoqëroi pasditen e djeshme ish-deputetin e Partisë Socialiste dhe Demokratike Kastriot Islami.
Islami ka qenë duke ecur pranë Parkut të Liqenit kur është konstatuar pa maskë nga efektivët e policisë.”
“Jam ne shtepi…! Si cdo dite, po beja ecjen e perditshme me veshje sportive nga parku i Tiranes ne drejtim te shtepise… Gjykoj se ishte Edi Rama qe me ndaloi dhe forcerisht me izoloi ne komisariat per rreth 1 ore e 30 minuta… Sepse ju prezantova qe jam Kastriot Islami dhe perseri perdoren forcen ndaj nje profesori dhe nje figure publike… ! Me shume ndoshta do te sqaroj ne vijim… Falenderoj te gjithe ata miq qe me mbeshteten me telefonata dhe mesazhe”, do të shkruante dje në Facebook Kastriot Islami.
