Pandemia dhe Recensioni Turistik në Shqipëri –
Nga. Ark. Enea STAVRE
Turizmi është sektor premtues dhe i rëndësisshëm në ekonominë Shqiptare. Situata e krijuar për shkak të virusit (Covid-19) përfshiu një diversitet problemesh të pasqyruara dhe në sektorin e hotelerise me destinacion turizmin. Situata e turizmit në Shqipëri nuk ishte aq e zymtë sa u parashikua para fillimit të sezonit turistik. Sipas INSTAT (2020) hyrjet e shtetasve të huaj në perjudhën Janar – Gusht 2020 kanë pesuar renie rreth 64.2 % krahasuar me vitin e kaluar (2019), kjo është një rënie racionale për shkak të izolimit dhe pandemisë. Turistet e ardhur nga Kosova dhe Maqedonia e Veriut të cilët zënë një peshë të madhe ndikuan në rritjen e turizmit Shqiptar, edhe pse krahasuar me gushtin e vitit të kaluar pësuan rënie rreth 54.4 % për Turistët Kosovar dhe 40 % për turistët e ardhur nga Maqedonia e Veriut (Instat 2020)[1]. Faktorët që sollën reduktim të turizmit në Shqipëri mund ti klasifikojmë në dy grupe: të varur dhe të pavarur nga Turizmi.
Tabela 1: Faktorët e recensionit turistik në Shqipëri
| Të varuar nga Turizmi | Të Pavarur nga Turizmi |
| Pasiguri në destinacione turistike | Frika e infektimit nga koronavirusi |
| Mungesa e distancimit social në zonat turistike | Mungesa e të ardhurave |
| Mungesa e higjenës në strukturat akomoduese | Rritja e tendencës për të kursyer |
| Menaxhimi jo-efiksas i situatës në bregdetet Shqiptare | Kufizimet e levizjes për disa shtete |
Burimi: Autori (2020)
Situata më e zymtë paraqitet në sektorin hotelier. Investimet e bëra
në tregun e hotelerisë nuk mund të marrnin kthimin e parashikuar. Ulja e
turistëve të huaj, prishja e kontratave dhe anullimi i rezervimeve shkaktoi
kosto të cilat u përshkallëzuan duke ndikuar në rënien e fitimeve. Rënia e kërkesës
për sherbime turistike goditi ndjeshëm dhe punësimin sezonal duke ndikuar
negativisht në financat personale dhe në ekonominë e vendit në tërësi. Sipas WTTC (2020) qeveria duhet të mbështesë sektorin e turizmit nga aspekti i politikave fiskale dhe monetare,
pasi ky sektor gjeneron benefite mikro dhe makroekonomike dhe është një nga sektorët më të goditur nga
pandemia. Por në realitet ky sektor ndjehet i
goditur dyfish:nga pandemia dhe nga mungesa e politikave mbështetese te qeverisë.
[1] http://www.instat.gov.al/media/7507/levizja-e-shtetasve-gusht_2020.pdf
