Anëtarësia e PD-së së Durrësit përzgjedh emrat që kalojnë në fazën tjetër të kualifikimit.
Nga lista me 28 emra që u dërguan në bazë për t’u votuar me parimin një anëtar një votë nuk u skualifikua asnjë dhe lista kaloi e plotë.
Procesi i votimit dhe numërimit ka përfunduar, ndërkohë që gjatë procesit të numërimit të votave kontestuese është vënë re se ka pasur disa emra në listë që janë votuar nga anëtarësia, por pa marrë kuorumin e nevojshëm që mund t’i skualifikonte nga gara.
Kujtojmë se çdo anëtar mund të kontestonte deri në 5 kandidatë. Pas votimit ata që do të kenë më shumë vota negative do të skualifikohen nga gara. Emrat që do të mbesin do dërgohen në Tiranë për kualifikimin final.
Pas përfundimit të procesit të konsultimit me anëtarësinë, kandidatët e konfirmuar i nënshtrohen vlerësimit përfundimtar të Komisionit në fazën e tretë.Anëtarët e komisionit votojnë bazuar, kryesisht, në vlerësimin e performancës politike të kandidatit dhe mundësinë e maksimalizimit të votës.
LISTA: Ardian Muka, Arjan Dedej, Arlind Boshku, Armand Teliti, Artion Bajramaj, Blerina Reçi (Xhakolli), Dejana Burgia, Edlira Devolli, Edmond Hoxha, Erald Dervishi, Erzen laci, Fatbardha Kadiu, Florid Shazivari,
Gazmend Oketa, Igli Cara, Ivo Jorgoni, Manjola Luku, Merita Dakovelli (Çela), Mirela Shala, Nasild Alikaj, Neritan Golja, Oerd Bylykbashi, Pellumb Berisha, Redi Myshketa, Riselda Kalia, Sokol Kapidani, Xhorxh Aleksi dhe Enri Ceno.
