Liderët e partive politike kanë nisur sot të takohen njeri pas tjetrit me Presidentin Ilir Meta, në kuadrin e konsultimeve që kreu i shtetit ka nisur për caktimin e datës së zgjedhjeve.
Mësohet se dy të parët, Shpëtim idrizi dhe Arjan Madhi, kanë kërkuar që zgjedhjet të mbahen sa më shpejt, që më 18 prill 2021, në kushtet kur vendi nuk ka institucione legjitime.
I pari ka folur për mediat z. Shpëtim Idrizi i PDIU, pas tij Arian Madhi i PR. Ndërkohë në takim ka hyrë Nard Ndoka.
Idrizi dhe Madhi kanë kërkuar që zgjedhjet të mbahen sa më parë, duke artikuluar datën 18 prill, pasi sipas aleatëve të PD dhe gjithë frontit të Opozitës së Bashkuar, shteti ka mbetur pa institucione legjitime.
Kreu i PDIU, Shpëtim idrizi, ka folur me z. Meta dhe për një çështje tjetër që ka dominuar debatet politike ditët e fundit. Idrizi ka kërkuar që z. Meta të jetë i kujdesshëm ndaj deklaratave që janë bërë nga Greqia lidhur me zgjerimin në detin Jon dhe çështjet për të cilat ende nuk është rënë dakord midis dy vendeve tona.”
Gazetarja shtoi se Kryeministri Edi Rama pritet rreth orës 11: 00 dhe pas, kryetari i PD-së, Lulzim Basha.
Më pas axhenda e Presidentit do të vazhdojë me takimin e përfaqësuesit të LSI, z. Luan Rama dhe më tej, me deputeten e Kuvendit, znj. Rudina Hajdari.
