Kryeministri Edi Rama u shfaq sot në Vlorë gjatë inspektimit të punimeve në “Lungomare 2”, në krah të ish-deputetit socialist, Shkëlqim Selami, i larguar nga Kuvendi nga ligji i dekrimalizimit, si pjesë e organizatave kriminale.
Sekretari për Çështjet Ligjore në PD, Çlirim Gjata u shpreh se Rama sfidon ambasadoren e SHBA, e cila një ditë më parë kërkoi të mbaheshin larg zyrtarët e ish-dënuar. “Rama nuk fiton dot zgjedhjet pa krimin”, u shpreh Gjata.
Deklarata e plotë
Edi Rama e ka të pamundur të ndahet nga bashkëpunimi me njerëzit e inkriminuar, pavarësisht presionit ndërkombëtar për tu ndarë prej tyre. Shefi i Rilindjes u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesëmarrës në organizata kriminale, Shkelqim Selami.
Duke u shfaqur krah Selamit, Rama sfidoi publikisht sot ambasadoren e SHBA, Yuri Kim e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren.
Një paralajmërim të tillë Ambasada Amerikane e ka bërë edhe më parë, por gjithmonë Edi Rama e ka injoruar, sepse ai e ka të qartë se pa mbështetjen e krimit të organizuar nuk fiton kurrë zgjedhjet. Edi Rama është peng i krimit dhe pa largimin e tij politika nuk mund të çlirohet nga krimi i organizuar dhe korrupsioni.
