Një ngjarje e rëndë ka ndodhur në spitalin Covid 2 në Tiranë. Mësohet se një i ri, i infektuar me koronavirus është hedhur nga kati i tretë i spitalit “Shefqet Ndroqi”. 29 vjeçari ka ndërruar jetë në vend.
Ngjarja e rëndë është regjistruar rreth orësh 04:30 të mëngjesit të sotëm, ku viktima është identifikuar me inicalet XH.K.
“Tiranë/Informacion paraprak. Më datë 13.08.2020, rreth orës 04:30 të mëngjesit, dyshohet se është vetëhedhur nga kati i 3 i një spitali shtetasi XH.K., 29 vjeç, e për pasojë ka ndërruar jetë.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes.”, njofton policia.
