E dashur botë, europiane amerikane, aziatike a si dreqin të të quaj!!!
Unë jam një ndër 90 % shqiptarët e mbetur të pashpresë! Të siguroj që ashtu si qindra shqiptarë nuk kam asnjë të metë fizike, mendore, edukuese, sociale apo morale që të ndihem e tillë.
Por ndihem…
Fatkeqësisht por ndihemi….
Dhe ti këtë e di shumë mirë….
Udhëhiqemi nga hajdutë dhe ti vazhdon ti ngish me kredira të shitura tek populli i thjeshtë si ndihma nga Europa, Amerika, Azia e një Zot e di se nga…
Dhe edhe pse ka denoncime të pafundme ti sërish vazhdon të heshtësh e të rrisësh detyrimin e shqiptarëve kundrejt botës duke mbetur borxhli me breza të tërë….
Por a nuk kemi ne të drejtë të dimë përse, sa, kur dhe çfarë bëhet me këto të ashtuquajtura kredi.
95 % e shqiptarëve po vidhet nga 5 % prej tyre.
Një 5 % e pa ngier kurrë e ti prapë hesht….
E dimë mirë si vidhet duke u shtirur sikur shqiptarëve po u shtrohen rrugët, po u rregullohen spitalet, po u rregullohen shkollat…
Tashmë po mësojmë si po vidhen shqiptarët duke iu transferuar milionat e dhënë borxh nga ju në qese makaronash të marra në magazinat e mbetura stok jashtë standartit.
Udhëhiqemi nga hajdutë e ju sërish heshtni….
Kaq të ” mafionarizuar” ta kenë vjedhjen këto tonët sa teksa ju trokasin në dyer si fakira të veshur me kostumet më të shtrenjta të të gjithë mbledhjeve tuaja ju sërish iu jepni.
Jep e jep e jep…
Për kë….
A pyesni ndonjëherë për kë keni dhënë tani 30 vite.
Kemi humbur besimin tek çdo drejtim prej shqiptari…
Ndihemi të shitur, të uritur, të abuzuar, deri tek të përdhunuar…
Po po të përdhunuar gjersa rrethi vicioz i drejtuesve hyp e zbrit nga njëri te tjetri për të siguruar një vend pune.
Po na përdhunohen motrat, gratë, nënat dhe në fund po na shiten si shenjtënore dhe drejtuese të nderuara kur në fakt janë thjeshtë një vegël e përdorur.
Kaq shumë mëkate paskan bërë shqiptarët që ti t ‘hujet vendi i tyre….
Po të shkruaj shqip, dhe ti e di mirë që mundem të të shkruaj në gjermanisht, italisht, anglisht, turqisht….
Mundem….
Por secili nga ju drejtues të botës e keni një shqiptar që do mund të ua përkthejë dhimbjen time….
A po kërkoj shumë????
I kam trokitur me radhë institucionet e vendit tim,…
Por dera e pa aftësisë, hajdutërisë, imoralitetit, skepticitetit, pa drejtësisë mu përplas zhurmshëm në fytyrën time….
Duke më vrarë shpresën…
Pash të madhin Zot Europë, Amerikë, Azi a kush do qofsh ti….
Vëre dorën në zemër dhe bëji sytë e veshët dysh jo katërsh, të siguroj njësh të mjaftojnë…..
Dëno ato që po na vjedhin, po na shtrembërojnë, po na gërryejnë të ardhmen si mishin thelë thelë….
Botë të përgjërohem na e kthe shpresën dhe vlerën e të qënurit shqiptar të besës, të talentit, të aftësisë, të punëtorit…
Nuk mundet një vend i tërë të përdhoset nga maskarenjë që luajnë Tomy & Jerry me ne…
Ndihemi të vjedhur nga tanët….
Ndihemi të ç’njerëzuar nga tanët….
Ndihemi …..
Të lutem nuk duam para, nuk duam luks, nuk duam poste, nuk duam tituj, nuk …
Jemi kaq të aftë e të pasur mendërisht, profesionalisht, ndershmërisht sa të gjitha ti krijojmë vetë.
Duam të mos jemi të vjedhur nga ata të cilët hiqen sikur drejtojnë….
