Nënkryetari i PD-së, Edi Paloka,ka publikuar në rrjetet sociale një video të Kryeministrit Edi Rama, kur në fillim të prillit deklaronte se projeksioni i Shqipërisë nga koronavirusi ishte për 18 mijë të vdekur.
Pak javë më pas, Kryeministri deklaronte se nuk kishte thënë asnjëherë që Shqipëria do të kishte 18 mijë të vdekur.
Referuar këtyre deklaratave të Ramës, Paloka shkruan në rrjet se kllounët e kanë vendin në cirk dhe jo në krye të qeverisë.
Kryeministri Edi Rama ka shfrytëzuar më së miri shifrat e deklaruara nga ish-zv.ministri i Arsimit, Taulant Muka, i cili në fillimet e pandemisë paraqiti disa projeksione lidhur me atë që mund të ndodhte në Shqipëri nëse nuk merreshin masa.
Rama arriti t´i përdorë këto projeksione, kur nga Surreli, ku qëndronte nën panik dhe i karantinuar, publikonte në rrjetet sociale Akte Normative që nuk kishin asnjë vlerë ligjore, përsa kohë nuk botoheshin në Fletoren Zyrtare, por çuditërisht zbatoheshin me përpikmëri nga Policia e Shtetit dhe Forcat e Ushtrisë që nxorri me blinda në rrugë.
Pastaj Kryeministri nisi ti drejtohej shqiptarëve herë si babai i kombit që kishte detyrë të kujdesej dhe herë si Zot i shqiptarëve që po i shpëtonte nga vdekja, ndërsa publikonte pamje me arkivole dhe shifra vdekjesh, duke terrorizuar shqiptarët.
