Ish- deputeti Eduart Ndocaj, një zë i pranishëm në debatet publike dhe në temat që shtron, kësaj radhe, përmes një postimi, ka hedhur një ide origjinale mbi koronavirusin, të cilin e ka konsideruar makthin e vendeve me demokraci të brishtë, të atyre vendeve që shkelin liritë dhe të drejtat e njeriut, si dhe ka aluduar se është shpikje e vendeve të zhytura më korrupsion.
Ndocaj, që në ditët e para të shpërthimit të COVID-19, ka patur dyshimet dhe pikëpyetjet e tij në lidhje me këtë virus, të cilin gjithnjë e ka cilësuar si të sajuar nga ata që janë të interesuar për një rend botëror të ri ekonomik dhe politik, dhe se pas kësaj fshihen skenarë dhe interesa okulte të grupeve që dominojnë ekonominë botërore.
Këtë bindje, Ndocaj e sjell të krahasuar me vendet e Europës veriore, dhe nga Gjermania ku jeta pothuajse vazhdon normalisht dhe se shoqëritë e këtyre vendeve nuk janë izoluar ashtu siç ndodh në vende në një pjesë të vendeve që iu bindën skenarëve të shtypjes dhe të dhunimit të lirisë së qytetarëve të tyre.