Një parashikim mbi viktimat që do të sjellë Covid-19 është bërë nga Instituti për Metrikat Shëndetësore dhe Vlerësimin në Seatttle. Ekspertët besojnë se Mbretëria e Bashkuar do jetë vendi që do goditet më fortë nga koronavirusi në Evropë.
Sipas këtyre ekspertëve, parashikohen 66.000 vdekje në Mbretërinë e Bashkuar deri në gusht. Kulmi do të jetë me 3000 vdekje në ditë.
Analistët kanë pohuar se diskutimet mbi “imunitetin e tufës” e vonuan Britaninë që të merrte masat e distancimit social. Më 23 mars, Anglia mori masat drastike të izolimit të njerëzve.
Në këtë kohë, në ditë po vdisnin 54 persona në Britaninë e Madhe. Në krahasim me Britaninë e Madhe, Portugalia vendosi masat distancuese kur kishte vetëm 1 vdekje të konfirmuar.
Sipas IHME, deri më 4 gusht në Britaninë e Madhe do të shohim gjithsej 66.314 vdekje. Ky institut është përgjegjës për studimin e Global Burden of Disease, që llogarit nevojën e mundshme për pranime në spitale dhe shtretër të kujdesit intensiv, si dhe viktimat që do mbeten nga Covid-19.