Prej vitesh tashmë klubi i Barcelonës është vënë në ndjekje të talenteve. Edhe në këtë merkato janari pasi ofruan portugezin Francisco Trincao, kanë zyrtarizuar edhe mesfushorin Matheus Fernandes.
Braziliani është blerë nga Palmerias për 7 milionë euro plus 3 bonuse dhe do të bashkohet me ekipin në 1 korrik. Klubi spanjoll i ka vendosur një klauzolë largimi prej 300 milionë euro dhe Fernades ka firmosur deri në 2025.
Njoftimi është bërë nga vetë klubi spanjoll në faqen zyrtare ku njofton arritjen e marrëveshjes me Palmerias. Fernadez shikohet si një lojtarë me perspektivë dhe pritet të vijojë në gjurmët e bashkëkombësit të tij Arthur.
