Sfilata që mblodhi gjithë personazhet më të njohura të showbizz-it ishte një ceremoni madhështore e organizuar në periferi të Tiranës këtë javë, organizuar nga Frida Xhoi&Xhei.
Të ftuarit specialë në këtë event festiv në 20-vjetorin e këtij aktiviteti, prezantuan koleksionin e vitit 2020 të fustaneve të nusërisë.
Sfilata kryesohej nga modelja Oriola Marashi, e cila parakaloi para të ftuarve me fustane nusërie nga ato seksi që i nxirrnin në pah format, tek ato klasike.
Ra në sy prania jo vetëm e vajzave, që ndoshta kanë plan të martohen, por edhe nënave, si: Enada At’Nikolla, Valbona Mema Fiori Dardha, Grida Duma, Anjeza Branka, Zaimina Vasjari, Orinda Huta e Andrra Destani, të cilat e kanë provuar fustanin e bardhë, si dhe shumë të tjera.
Mes tyre, fotografi i “Panorama Plus” fotografoi edhe disa personazhe të njohura që ende s’i kemi parë me fustan të bardhë, mes të cilave Rozana Radi apo Klodiana Shala.
Për të ndjekur këtë sfilatë kishte dhe shumë djem VIP, të cilët ndoshta ishin në kërkim të nuses.
Dihet që kjo sfilatë është kthyer tashmë në traditë dhe ajo që bie në sy është se modelet dhe trendet e reja tundojnë jo vetëm vajzat e reja, por edhe nënat.
