Projekti i “Mini-Shengenit Ballkanik”, që po diskutohet prej tre ditësh në Tiranë dhe që mblodhi liderët e vendeve të rajonit perëndimor të Ballkanit në kuadër të prezantimit ideor dhe fokusit për vazhdimësinë, ka nxitur një valë të madhe debatesh politike dhe publike, pasi për shumicën e shqiptarëve ky projekt është një zgjatim i vizionit dhe ambicies së kahershme të politkës serbe për formësimin e Jugosllavisë së Madhe.
Kjo ide, përforcohet dhe më shumë, kur tryezës së diskutimeve në Tiranë, i mungon faktori më relevant, Kosova, e cila në optikën e zhvillimeve, është padyshim “nyja gordiane”, mungesa e së cilës e bën thuajse të pamundur funksionalizimin e projektit.
Qëndrimeve kundër këtij projekti, pa prezencën në tavolinën e diskutimeve të faktorit të shqiptarëve të Kosovës, iu është shtuar dhe Lëvizja e Legalitetit, subjekt politik ky me një bosht të fuqishëm kombëtar, ku përmes një prononcimi të kryetarit Axhami, shprehet skepticizmi i këtyre diskutimeve dhe tendenca e një marrëveshjeje me bazë antikombëtare, duke rikthyer sërish hijet e së shkuarës, ku fqinjët e trajtojnë Shqipërinë të rrudhosur, pa pjesët e tjera, në dhunim të plotë të etnicitetit të tyre.
Anashkalimi i Kosovës, -shprehet kryelegalisti Axhami,-është dështimi ende pa filluar i këtij projekti, pasi, askush nuk mund të cënojë interesat gjeopolitike të shqiptarëve të Kosovës. Liria e tyre është garantuar me gjakun e patharë akoma të mijëra e mijëra qytetarëve kosovarë, të cilët shohin sot, në votrën amësore, barbarin shekullor dhe gjakatarin e tyre, teksa sfilon në rrugët e mëmës Shqipëri, në përpjekjen e radhës për të shtrirë kthetra dhe tentakula drejt copëzimit dhe përcarjes së shqiptarëve.
Në deklaratën e tij, kreu i PLL, Shpetim Axhami, apelon fuqishëm se: Interesi kombëtar, duhet të jetë mbi etjen për pushtet, në të kundërt ke tradhëtuar bashkëkombasit e tu.
Lëvizja e Legalitetit, subjekti politik shqiptar që në kolonat bazë të ideologjisë së saj ka cështjen kombëtare, përmes ndrysimeve në lidershipin e saj, është shndërruar së fundi në një vokacion të fuqishën dhe kumbues të identitetit kombëtar dhe përcimit të vlerave kombëtare.
