Nga Eduard Topalli
Vitet e fundit bujqësia në rrethin e korçës ka njohur vetëm degradim, në disa aspekte kjo ka qenë më e madhe dhe më e ndjeshme.
Mbi gjithë aspektet negativë vlen të trajtohet ai aspekt që prek interesin e më shumë njerëzve, që ka peshën më të madhe mbi shoqërinë dhe ekonominë, mbi jëtën dhe shëndetin.
Për më tepër se një vit, në media, ka pasur raportime të ndryshme në lidhje me futjen në tregun shqiptar dhe përdorimin e imputeve të ndaluara, impute të cilat ëdhe pas raportimeve, nuk janë kontrolluar dhe situata nuk është trajtuar nga strukturat përgjegjëse me rëndësinë që i takon.
Shumë fermere janë të pa ndërgjegjshëm për imputet që përdorin pasi nuk kanë informacion të mjaftueshëm mbi to, ata i përdorin këto impute vetëm në bazë të informacionit që marrin nga shitësit e këtyre imputeve. Nuk kërkohet shumë intelekt për tu kuptuar se tregëtarët e imputeve, qoftë ata me shumicë që importojnë imputet, qoftë ata që tregëtojnë më pakicë, abuzojnë me lirine dhe moskontrollin pasi ka prova që fermeret janë servirur me impute të ndaluara. Këtu qëndron dhe ngërçi i këtij problemi, Fermerët janë në kushtet e mosdijes ndërsa tregëtarët në kushtet e prishjes të interesit të tyre, duhet që një palë e tretë siç janë strukturat e shtetit (AKU, Drejtoritë e Bujqësisë, Doganat, etj) të luajnë rolin e regullatorit dhe kontrolluesit ashtu si e kërkon edhe ligji.
Pasojat e përdorimit të këtyre imputeve janë shumë herë më negative dhe të rënda nga sa mund të kuptohet nga njerëz me informacion të kufizuar, gjithashtu, kalimi në heshtjë që media i bëri këtij problemi nuk kishte qëllimin moskrijimin e panikut, por shuarjen e vatrave të informacionit profesional për të kryer proçesin më të rëndësishëm: informimin e grupeve te interesit.
Po cilët janë grupet e interesit në këtë rast.
I pari grup dhe më i rëndësishmi është konsumatori i cili konsumon produkte të kontaminuara dhe të rrezikshme për shëndetin.
I dyti është fermeri, i cili sakrifikon punën dhe mundin e një viti dhe në fund dështon të shesë produktin e tij.
Më pas vjen çdo biznes përpunues, tregëtues dhe eksportues i produkteve bujqësore, të cilët ndajnë përgjegjësinë morale dhe ligjore të të shiturit të produkteve ushqimore jo të sigurta.
Konsumatori shqiptar është krejt i pa mbrojtur, produktet që blejnë në treg janë të pa kontrolluara, nuk kryhet asnjë kontroll të gjurmueshmerisë së produkteve, asnjë lloj analize laboratorike, të cilat do të parandalonin apo do të evidentonnin burimin e kontaminimit të ushqimeve duke evidentuar edhe këdo që prish sistemin e prodhimit të ushqimeve të sigurta.
Nga ana tjetër, nga eksporti na vijnë sinjale tepër negative. Klientet tanë europianë hera herës na venë në dukje se bujqësia jonë është e kërcënuar nga impute të rrezikshme, pesticide, herbicide, fungicide të ndaluara në tregun europian dhe tepër të dëmshmë për shëndetin e njeriut.
Më poshtë gjeni nje flet analize të një produkti të eksportuar në Greqi kohët e fundit, produkti u asgjesua sepse ishte i pa konsumueshëm për shkak të niveleve te larta të kontaminimit me pesticide tepër të rrezikshme për shëndetin e njeriut) Chlorpyrifos është gjendur në nivele gati 10 fish nga norma e lejuar, Dimethoate 4 herë më e lartë dhe Methomyl po ashtu 4 herë më e lartë, këto norma kontaminimi më vetë janë tepër të rezikshme ndërsa të gjetura në një produkt të vetëm do të thotë se rreziku i tyre ritet në mënyrë eksponenciale.
Produkti është prodhuar në fushën e Korçës, është grumbulluar nga një tregëtar dhe është bërë përpjekje e pasukseshme të kryhej eksporti i tij në Greqi. Dhjetra fermere dhe një tregëtar dështuan, per këtë sezon, vetëm nga një analizë e kryer, produkti i tyre u asgjesua nga autoritetet Greke dhe për këtë produkt nuk u pagua asnjë lek nga klienti për tregëtarin korçar. Viti që vjen është edhe më i pasigurt për eksportimin e të njejtit produkt në Greqi. Sasi të tjera, nga i njëjti produkt, janë shitur “me suks” në tregun vendas, shëndeti i konsumatorëve është në rrezik nga sëmundjë akute që këto helme shkaktojnë, si dhe nga sëmundje kronike dhe të pakuptueshme si tumorët, carçinomat, shkatrim të indëve dhe organeve të trupit të njeriut etj, efekte këto shkatëruese për shëndetin, ekonomine dhe jetën e çdo konsumatori.
Përgjegjësia bie mbi strukturat shtetërore të cilat ose janë të paafta të kryejnë proçedurat e kërkuara nga ligji më qëllim mbrojten e prodhimit dhe konsumatorit vendas, ose janë të korruptuara nga tregëtarë të paskrupuj dhe injorantë që kërkojnë të pasurohen nga tregëtia e produkteve të ndaluara. Inspektori i AKU Vlorë që ngriti zërin i pari për imputet e ndaluara në kronikat e TOP CHANNEL të një viti më parë, nuk duhet të pushohej nga puna se denoncoi një “krim”, por duhej promovuar dhe dëgjuar që këtë vit produktet tona bujqësore të mund të eksportoheshin, të mund të konsumoheshin pa pasur pasoja shëndetësore, unë e konsideroj një hero modern atë inspektor pasi ai i njihte mirë pasojat që mund të sillte “ngritja e zërit”, por ndërgjegjja qytetare e tij qëndroi më lart se përfitimi i tij personal, një shëmbull për tu marrë.
Gjithsesi, edhe qeveritarët e papërgjegjshëm e të korruptuar dhe tregtarët e paskrupuj e injorantë dhe çdokush që e prish sigurinë e prodhimit të ushqimit duhet të dijë se në darkë, ato ushqime që kanë kontaminuar me dashje, do u kthehen në pjatën e tyre të ushqimit për të marrë hakun e fermerit dhe konsumatorit që janë viktimat e tyre.
Marrë nga Korça Opinion
