ETC e Ramiz Kelmendit e ka përjashtuar nga puna pak ditë më parë punëtorin Amar Pushka, i cili gjatë fushatës zgjedhore doli publikisht dhe tha se nuk e mbështetë PDK-në, siç tentoi kundërligjshëm t’ua impononte Ramiz Kelmendi punëtorëve të tij.
I njëjti, Amar Pushka, sot ka shkruar në Facebook, ku ka plasuar edhe një fotografi nga llogaria bankare. Atij i ka dalë vetëm gjysma e rrogës.
Thotë se i janë vjedhur 120 euro.
Ky është reagimi i tij i plotë:
Sot isha për ta tërheq rrogën time të fundit si punëtor i ETC-së, pasi shkova në bankomat u befasova me atë çka pashë, në xhirrollogari më kishin dalë vetë 141.46 €, edhe pse paga ime mujore ishte 260 € !
Pasi e kontaktova menaxherin pse ka ndodhë kjo gjë i njëjti me tha kinëse për shkak që e kam lëshuar punën, edhe pse unë e kisha përfunduar mujin si punëtor i ETC-së dhe pastaj i kisha njoftuar që nuk do të punojë për shkak presionit të stafit të ETC-së ndaj meje vetëm pse kisha deklaruar që do ta votojë Vetëvendosjen, e asesi nuk do të votoja imponimet që na i bënte Ramiz Kelmendi.
Pa asnjë bazë juridike sot mua nga ETC mu vodhën 120 €, mu vodhë djersa e mundi im!
