Ish-deputeti Eduart Ndocaj, sjell pamjet e një skandali të madh që ndodh me kompanitë e aviacionit civil, të cilat jo vetëm që me çmime stratosferike biletash, por dhe krijojnë një anomali të jashtazakonshme me linjat e tyre, duke u shkaktuar pasagjerëve një kalvar peripecish të pafundme që shndërrohen në një makth të tmerrshëm.
Në videon e dërguar, Ndocaj dhe ai “viktimë” e kësaj talljeje që shkaktojnë këto kompani që pasurohen në kurriz të shqiptarëve, ka sjellë pamjet e një papërgjegjshmërie totale, se si një kompani ajrore, Ernest Arlains, pa pikën e seriozitetit, dhe në mungesë totale të humanitetit, lë në aeroport dhejtëra pasagjerë prej më shumë se 24 orësh duke mos u interesuar aspak për zgjidhjen e situatës.
Në video shihen qartë dhjetëra pasagjerë të traumatizuar nga pritja e madhe, të cilët nuk gjejnë zgjidhje tek asnjë autoritet, por shprehen me revoltë ndaj qeverisë shqiptare, të cilën e akuzojnë si palë në këtë aferë me aviacionin civil.
Në bisedat e tyre, përpos revoltës, pasagjerët që duan të kthehen në Shqipëri, akuzojnë kryeministrin Rama, i cili më së shumti, mendjen e ka tek mjekra e zbardhur e tij, se sa tek problematikat e qytetarëve shqiptarë në aeroportet e botës, të cilët ndjehen të braktisur nga qeveria e vendit të tyre.