Prej muajsh në vështirësi të shumta financiare “Air Albania” nëse nuk do të gjejë një kompani tjetër mbikqyrëse dhe që do të mund ta mbështesë financiarisht, është pothuajse e falimentuar.
Turkish Airlines raportohet se ka vendosur të shesë të gjithë pjesën e saj prej 49% të aksioneve që ka në Air Albania SHPK, linjën ajrore kombëtare të Shqipërisë.
Lajmin e ka konfirmuar këtë të mërkurë, më 19 nëntor, vetë bordi drejtues i “THY”-së. Siç shkruan media turke Haberler.com, Turkish Airlines (THY) “ka bërë një lëvizje të rëndësishme duke vendosur të shesë të gjitha aksionet e saj në kompaninë ajrore Air Albania SHPK”.
Në njoftimin e kompanisë thuhet: “Bordi ynë Drejtues ka vendosur të shesë të gjitha aksionet në Air Albania SHPK, ku kompania jonë ka një pjesëmarrje prej 49%. Zhvillime të rëndësishme lidhur me këtë çështje do të ndahen me investitorët tanë.”
