Kryekomisioneri Ilirjan Celibashi deklaroi zyrtarisht përfundimin e numërimit të votave në 5 bashki ku e veçanta ishte vlerësimi i fletëve me inteligjencë artificiale në Tepelenë.
“Në Tepelenë testuam përdorimin e AI në numërimin dhe vlerësimin e votave. Kjo mënyrë e numërimit nuk kishte për qëllim të zëvendësonte mënyrën manuale, që përcakton Kodi Zgjedhor. Përdorimi i AI ishte test teknik, nëpërmjet të cilit ne si KQZ donim të shihnim sesa e dobishme mund të jetë në të ardhmen përdorimi i kësaj risie. Së paku përdorimin e AI në numërim e kemi parë si mjet të përshtatshëm për kontrollin e profesionalizmit dhe ndershmërisë të numëruesve dhe komiisonerëve testi i kryer dje ishte i suksesshëm, dhe përmbushi të gjitha pritshmëritë e KQZ.
Leximi dhe numërimi fletëve u krye me sukses të plotë duke përdorur AI”, tha Celibashi duke shtuar se “në përgjithësi leximi dhe analiza e këtyre pamjeve prodhoi thuajse 100% të njëjtin rezultat të numërimit fizik. Pamet e faqes ballore të fletës, u lexuan me saktësi të plotë nëpërmjet sistemit të AI. U konstatuan vetëm disa pasaktësi në leximin e pjesës së pasme të fletës së votimit. Vlerësojmë që në të ardhmen arritja e saktësisë do të varet nga ndërtimi i disa protokolleve teknike që do të dhet të respektohen nga numëruesit dhe komisionerët. Së pari, e qartë se duhet të bëhen ndryshime në Kodin Zgjedhor që rezultatet nëpërmjet teknologjie të konsiderohen ligjërisht zyrtare”, tha ai.
Ilirjan Celibashi kërkoi që partitë politike të nisin sa më shpejt punën për ndryshimin e Kodit Zgjedhor.
“Ose duhet të kthejmë numërimin në QV ose duhet të dakordësohemi për përdorimin e pajisjeve elektronike, ose do të ngeli kjo mënyrë do të gjejmë zgjidhje të tjera.Harxhojmë kohë para, procesi nuk duket i sigurtë. Kjo çështje është e partive politike dhe të Kuvendit. I kemi përcjellë propozimet tona. Ngelet në dorë të tyre për ti vlerësuar”, tha Celibashi.
Sa i përket pjesëmarrjes së ulët në zgjedhje, Kryekomisioneri theksoi se nuk ka një paracaktim mbi numrin e pjesëmarrjes
