Këngëtarja e njohur, Çiljeta Xhilaga, rrëfeu sot një ekperiencë personale në dukje të pazakontë në lidhje me jashtëtokësorët.
Ajo rrëfeu se këtë përjetim nuk e ka thënë asnjëherë në publik, sepse mund të dukej e pabesueshme, por tregon gjithashtu bse ka qenë në shoqërinë e të ëmës, e cila pohon po të njëjtën gjë, dhe që e bën më tëbesueshme.
Çiljeta tha në emisionin “E Diell” se po udhëtonte me makinën e saj bashkë me të ëmën ndërkohë që kishte parë një dritë të lëvizte, nuk pulsonte dhe që rrotullohej tërë kohës.
“Para disa vitesh doli lajmi që në Levan të Fierit ka zbritur një anije alienësh dhe është djegur toka. Pas një jave nga publikimi i këtij lajmi, unë po kthehesha nga Vlora me mamin dhe, teksa udhëtoja, shihja një dritë të kuqe, por që nuk pulsonte.
Drita ndërkohë vetëm lëvizte dhe kuptova që s’ishte sinjal i ndonjë avioni, por u ul në një distancë jo shumë të largët dhe vura re që ajo rrotullohej tërë kohës. Objektin nuk e shquaja dot për shkak të errësirës dhe pata një emocion shumë të madh. Mbaj mend që nuk e shtypja dot freksionin e makinës se më dridheshin gjunjët”, përfundoi rrëfimin e saj Xhilaga duke treguar edhe frikën e madhe që e kishte pushtuar në ato momente.
