Menjëherë sapo vranë Astrit dhe Brahim Bilalin, dy atentatorët janë larguar me një makinë “Benz”. Ata kanë braktisur automjetin në lagjen “Gurrile” në Shkodër dhe i kanë vendosur zjarrin.
Por një automjet i zjarrëfikses ndodhej shumë pranë në zonë dhe sapo është lajmëruar nga banorët ka shkuar për të fikur flakët.
Siç dallohet edhe nga kjo foto, makina e autorëve të vrasjes, nuk është djegur tërësisht. Do të jenë ekspertët e kriminalistikës, të cilët pritet të marrin gjurmët në këtë makinë, që mund të sjellë edhe identifikimin e autorëve.
Vrasjet e fundit në Shkodër janë kryer me të njëjtën skemë, ku makinat digjen në perfieri të qytetit. Por duket se në këtë rast makina “Benz” nuk është djegur tërësisht dhe grupi hetimor është në kërkim të gjurmëve.
Burime nga Policia e Shkodrës thanë se gjurmët që mund të gjenden në makinë janë shpresa e vetme, pasi në momentin e vrasjes nuk ka asnjë pamje filmike.
