Nga Aleks Kapllaj
Diaspora zgjedh Atdheun dhe voton Aleancën per Shqipërinë Madhështore.
Ka disa ditë që shqiptarët që jetojnë jashtë territorit të Shqipërisë po votojnë për parlamentin e ardhshëm shqiptar.
“Viti 2025 është viti i diasporës”- u shpreh para pak kohësh lideri historik i Partisë Demokratike profesor doktor Sali Berisha.
Sot diaspora po vendos fatet e Shqipërisë, sot diaspora po voton për Partinë Demokratike dhe Aleancën për Shqipërinë Madhështore.
Është vetë diaspora që me pritjet e saj madhështore që i rezervoi kryetarit të Partisë Demokratike doktor profesor Sali Berishës, i vuri emrin Aleancës për Shqipërinë Madhështore që ka bashkuar të gjitha partitë e opozitës së qendrës së djathtë.
Takimet e doktor profesor Sali Berishës me diasporën në Romë, Parma, Milano, Athinë dhe Bresha ishin me të vërtetë madhështore.
Ka pasur dhe ka një entuziazëm dhe motivim të jashtzakonshëm për të pritur liderin e demokracisë doktor profesor Sali Berishën në të gjitha takimet. Kudo në botë, Itali, Greqi, Gjermani, Amerike, Francë, Kanada Britania e Madhe përfaqësuesit e Partisë Demokratike janë pritur me një pjesmarrje të jashtzakonshme.
Ndërsa përfaqësuesit e Partisë Socialiste janë perbuzur gati me përçmim.
Simbolike ishte salla bosh 500 vendëshe e Taulant Balles e prenotuar në Firence që pastaj u zevendesua me një sallë të vogël 50 vendëshe, edhe këta pjesë e administratës në Shqipëri dhe familjarët e tyre në Itali.
Por më simbolikja ishte takimi i Edi Ramës në Milano në të njejten ditë me atë të doktor profesor Sali Berishës në Bresha. Takimi i Ramës ishte një funeral mortor i rilindjes së keqes që solli Rama në 12 vitet e fundit.
Deputetët, ministrat, kryetarët e bashkive dhe patronazhistët Vip të Partisë Socialiste janë refuzuar dhe përbuzur nga të gjithë shqiptarët.
Tashmë e kanë kuptuar edhe socialistët e ndershëm se Edi Rama përfaqëson një problem për demokracinë në Shqipëri dhe për sigurinë kombëtare të vendit tonë dhe për të ardhmen e çdo shqiptari.
Shqiptarët që jetojnë në imigracion nuk mund të pranojnë një Parlament dhe një qeveri si ajo e Edi Ramës e mbushur me trafikantë dhe të korruptuar. Diaspora shqiptare nuk mund të pranojnë kapjen e të gjitha pushteteve ekonomike, politike, mediatike nga një qeveri e korruptuar dhe e lidhur me krimin.
Shqiptarët kudo që jetojnë nuk mund të pranojnë talljen që u ka bërë Rama duke i perçmuar dhe larguar nga vendi i tyre me të gjitha format.
Shqiptarët nuk mund të pranojnë varferinë që sundon në Shqipëri nga vjedhja që u bëjnë qeveritarët për të jetuar në luks.
Sot kapitali më i madh i vendit tonë rinia dhe Shqiptarët në pergjithësi po largohen nga vendi i tyre.
Shqiptarët nuk mund të pranojnë krijimin e Narkoshtetit që ka ndërtuar Edi Rama në Shqipëri. Diaspora po voton kundër sistemit piramidal autokratik të krimkorrupsionit të Edi Ramës.
Nuk ka manipolim ekonomik, mediatik, propagandistik, korruptues që e ndalë vullnetin e shqiptarëve për të sjellë ndryshimin dhe rotacionin e pushtetit politik në Shqipëri duke votuar Partinë Demokratike dhe Aleancen për Shqipërinë Madhështore.
Aleks Kapllaj
Itali
