Pamje dhe video shqetësuese kanë mbërritur në redaksinë tonë nga një qytetar në Korçë, duke ngritur alarmin për gjendjen e spitalit dhe cilësinë e shërbimeve ndaj pacientëve.
Sipas denoncimit, në ambientet e këtij institucioni mungojnë kushtet bazë dhe pajisjet e nevojshme, ndërsa qytetari shpreh indinjatë për atë që e cilëson si neglizhencë dhe mungesë reagimi nga autoritetet.
“Spitali i degraduar… shërbim i munguar… kushte jo, aparatura jo… po instancat çfarë bëjnë? Kush mban përgjegjësi?”, thuhet në mesazhin e dërguar pranë redaksisë.
Në të njëjtin denoncim ngrihen edhe pretendime serioze për abuzime dhe mungesë transparence në menaxhim — pretendime që kërkojnë verifikim të menjëhershëm nga organet përgjegjëse.
Pamjet e siguruara nga redaksia duket se pasqyrojnë një realitet shqetësues brenda strukturave spitalore, duke ngritur pikëpyetje të forta mbi standardet e shërbimit dhe kontrollin institucional.
A ka një problem më të thellë në spitalin e Korçë? Pse mungon reagimi? Kush mban përgjegjësi?
Redaksia jonë i bën thirrje institucioneve shëndetësore dhe organeve kompetente që të nisin verifikimet dhe të japin një përgjigje të qartë për publikun.
