Komisioni Qendror i Zgjedhjeve ka shpërndarë këtë të premte fondin që do t’u shkojë partive politike për fushatë, për zgjedhjet parlamentare të 11 Majit.
Në total alokohen 131.201.816 lekë, ku shumën më të madhe e merr PS me 65.291.390 lekë ndërsa PD 44.818.545 lekë.
Sipas vendimit të KQZ-së, fondet janë ndarë në bazë të përfaqësimit parlamentar të partive:
Partia Socialiste (PS) – 65 milionë lekë
Partia Demokratike (PD) – 44 milionë lekë
Partia e Lirisë (PL) – 9 milionë lekë
Partia Socialdemokrate (PSD) – 3 milionë lekë
Partia Republikane (PR) – 2.6 milionë lekë
Lëvizja për Zhvillim Kombëtar (LZHK) – 890 mijë lekë
PDIU – 1.7 milionë lekë
PBDNJ – 890 mijë lekë
PAA – 890 mijë lekë
PLL – 890 mijë lekë
Nisma Thurje – 860 mijë lekë
Ky financim synon të mbështesë partitë gjatë fushatës zgjedhore, ndërsa gara politike për zgjedhjet e 11 majit tashmë po i drejtohet një faze të rëndësishme.
