“…kur ekziston vullneti për punë, kur vihet në zbatim profesionalizmi dhe kur institucionet përkatëse marrin përgjegjësi, natyrisht çdo problem dhe çështje merr rrugën e zgjidhjes”.
Në një shtet demokratik funksional një nga parimet bazë është siguria për jetën dhe pasurinë e qytetarit.
Po marr shkas nga një ngjarje që më ka ndodhur personalisht gjatë këtyre ditëve për të trajtuar një fenomen që përbën shqetësim për qytetarët e Tiranës.
Para afro një jave më ndodhi “telenovela” e radhës, sërish më vidhen 2 biçikleta në pikun e ditës mu në mes të Tiranës, konkretisht para derës së Klinikës ( farmacia 10) -Tiranë !
Po e sjell në vëmendje këtë rast, jo për tu viktimizuar, por për ta nxjerrë në pah ngjarje shumë të shëmtuara që na ndodhin në jetën e përditshme shum banoreve te Shqiperise.
Në mënyrë metaforikë thashë “telenovelë” sepse edhe para një viti më ndodhi po e njëjta gjë dhe fatkeqësisht ndonëse u gjet hajduti, prokuroria kinse për mungesë provash e la të lirë.
Rrëfimi i ngjarjes ka të bëjë edhe për të treguar se keqbërësit ende nuk e kanë ndjerë mbi kurriz forcën e ligjit.
Jam thellë I bindur se shumë qytetarë kanë probleme të natyrës time sepse përdoruesit e biçikletave janë të shumtë në numër.
Madje, sipas koncept modern që kërkon të instalojë Kryetari i Bashkisë, Tirana ka gjasë të konsiderohet edhe si qyteti i biçikletave.
Por në kushtet e vjedhjeve në masë është shumë ë vështirë për tu arritur një gjë e tillë, sepse qytetarët ngurojnë të blejnë, apo ngasin biçikleta për shkak të vjedhjeve.
Megjithëse ekziston ky fënomen negative dhe shumë I dëmshëm, le ti japim edhe nota optimizmi.
Përshembull, për rastin konkret fatmirësisht gjeta mbështetjen dhe vullnetin e policisë e cila me veprimet e saja finalizoj me sukses gjetjen e biçikletave.
Thënë ndryshe kur ekziston vullneti për punë, kur vihet në zbatim profesionalizmi dhe kur institucionet përkatëse marrin përgjegjësi, natyrisht çdo problem dhe çështje merr rrugën e zgjidhjes.
Në të tilla rrethana dua të shpreh respekt dhe mirënjohje për të gjitha ata punonjës policie që u përkushtuan dhe me ndihmuan që të gjej sendet e vjedhura. Konkretisht e kam fjalën për te gjithë punonjësit e Komisariatit numer 4 dhe për Drejtorin e Policisë së Tiranës, z. Tonin Vocaj i cili u angazhuan personalisht për të gjetur fajtorët.
Duke i nisur nga sa thashë më lart, çështja që shtrohet për diskutim dhe që duhet të marrë vëmendjen e organeve kompetente e të specializuara ka të bëjë sesi duhen neutralizuar keqbërësit të cilët përbëjnë shqetësim për sigurinë e qytetarëve.
Në rastin tim, mora informacion paraprak se hajdutët janë edhe përdorues të lëndëve narkotike. Pra, ata nuk janë rrezik vetëm për shoqërinë , por edhe për veten dhe familjet e tyre. Andaj duhet doemos që të krijohet një institucion i veçantë për kurimin e tyre.
Në cilësinë e mjekut bëj apel të gjitha instancave shtetërore që të krijojnë mundësi reabilitimi për këtë target grup sepse nëse do të ketë neglizhenca atëherë do të përballemi me një numër gjithnjë e në rritje.
Por, kjo është vetëm njëra anë, sepse nga ana tjetër duhet të vendoset përfundimisht një bashkëpunim i ngushtë mes policisë së shtetit, prokurorive dhe gjykatave. Nëse njëra hallkë çalon, atëherë problemet mbarten dhe shqetësimet e qytetarëve shtohet.
Kam bindjen se fjalët që thuhet e kanë brenda tyrë të vertetën. Policia arreston, prokuroria dhe gjykatat lirojnë.
Epo kështu nuk mund të funsionojë as rendi, as ligji, as siguria publike, drejtësia jo e jo
