Lionel Messi në një intervistë për televizionin e Amerikës së Jugut ka dërguar lëvdata për bashkëlojtarët e tij nga PSG, Kylian Mbappe dhe Neymar.
Në intervistë, Messi ka folur për cilësitë e bashkëlojtarëve dhe mënyrën se si ia del në Paris.
Neymar dhe unë e njohim njëri-tjetrin përmendsh nga e kaluara”. Në Barcelonë kaluam një kohë të mrekullueshme sëbashku, doja të ishim të dy më gjatë në Barcelonë, por jeta na bashkoi sërish te PSG. “Më pëlqen shumë të luaj me të dhe të jem pranë tij çdo ditë”.
“Mbappe është një lojtar i veçantë. Me një fjalë do ta kisha përshkruar si një bishë e vërtetë. Ai është fantastik në lojën një me një, vrapon në hapësirë të hapur dhe është shumë i shpejtë, kështu që shënon gola. “Ai tashmë ka treguar se është një lojtar i kompletuar dhe në vitet e ardhshme do të jetë ndër më të mirët, jam i sigurt”, tha Messi.
Messi, ndryshe nga sezoni i tij i parë në PSG, e filloi këtë të dytën shumë më mirë dhe të kujton ditët e tij në Barcelonë.