Shpetim AXHAMI, kryetar i Partisë Lëvizja e Legalitetit
Kjo që po flitet dhe artikulohet këto ditë në lidhje me një vidio-leksion të publikuar ku dëgjohet qartë se çfarë flet prof. Richard Hodges për krijimin e shtetit shqiptar duke e quajtur atë paturpsisht “ Shtet Artificial” të krijuar gjoja prej Fuqitë e Mëdha dhe zonat në Jugun e Shqipërisë si të zbrazura nga popullata greke, janë të rrëzikshme dhe me patjetër, të shtyra dhe mirpaguara nga qarqe antishqiptare.
E turpshme dhe e papërgjegjshme mbetet ajo që ka ndodhur me atë që parlamenti ynë e ka votuar në mënyrë unanime prof. Richard Hodges, për të qenë njeriu qe jo vetem do të drejtojë për 10 vitet e ardhshme Qendren e Trashegimise Boterore te Butrintit, por do të jetë personi që do të rishkruaje të gjithë historine e kesaj Qendre Arkeologjike Shqiptare.
Ky profesor, edhe anglez, duhet të dijë se pikërisht në Londër Fuqitë e Mëdha bënë të kundërtën, masakruan trojet etnike shqiptare dhe e lanë këtë Shqipëri Londineze që sot kemi tamam ishull të rrethuar ng troje shiptre e prej vetë shqiptarëve.
Më e udhës për profesorin do të ishte të pranonte masakrën e mësipërme territoriale mbështetur mbi bazë faktesh shkencore dhe të kërkonte pse jo dhe kthimin e kësaj të drejte, për ne, pas një shekulli, domethënë vendosjen e kufijve aty ku duheshin e Fuqitë e Mëdhe të na kthenin borxhin.
Shteti ynë, nëse sado pak egziston, Presidenti, Qeveria Shqiptare, Ministri e Jashtme e Kulturës dhe çdo institucion tjetër duhet të ndërhynë urgjentsisht që ky antishqiptar të përjashtohet nga çdo pozicion që ka të bëj me studime dhe fakte të tjera që lidhen me Shqipërinë, si rasti Butrindit.
Duhet të merren masat e duhura për shpalljen sa më shpejt “non-grata” të Tij në Shqipëri dhe në Kosovë duke vënë në dijeni edhe institucionet diplomatike shtetërore e shkencore me të cilat përsoni në fjalë ka lidhje dhe bashkëpunim.
