Shakira dhe Gerard Pique kanë bërë të ditur se pas gati 12 vitesh lidhje dhe dy fëmijëve së bashku, ata janë duke u ndarë.
Kjo është komunikuar nga të dy përmes një letre të përbashkët që është publikuar nga agjencia EFE.
“Me keqardhje konfirmojmë se po ndahemi. Për mirëqenien e fëmijëve tanë, të cilët janë prioriteti ynë kryesor, ju kërkojmë të respektoni privatësinë e tyre. Faleminderit për mirëkuptimin”, theksojnë ata.
Vetëm 26 fjalë për t’i thënë lamtumirë më shumë se një dekade dashurie.
Gjatë javëve të fundit, informacionet që tregonin për një distancim të çiftit, madje edhe revista Hello! njoftoi të premten se një javë më parë, të shtunën, më 28 maj, këngëtarja kolumbiane kishte pësuar një sulm të rëndë ankthi dhe duhej të trajtohej nga shërbimet mjekësore në një ambulancë, e cila do ta dërgonte në spitalin e Barcelonës.
