Vetëm një ditë pas vizitës së tij në Shqipëri, presidenti turk Rexhep Taip Erdogan i ka uruar mirëseardhjen në pallatin e tij presidencial homologut serb Aleksandër Vuçiç.
Pavarësisht rreshjeve të borës, Erdogan i ka rezervuar Vuçiçit një pritje ceremoniale madhështore.
Në mbledhjen e këshillit që do të mbahet me pjesëmarrjen e ministrave përkatës, do të shqyrtohen në të gjitha aspektet marrëdhëniet Turqi-Serbi dhe do të diskutohen hapat që mund të ndërmerren për thellimin dhe zhvillimin e bashkëpunimit dypalësh.
Gjithashtu do të shkëmbehen mendime për zhvillimet rajonale dhe ndërkombëtare, në radhë të parë në Ballkan, kryesisht në lidhje me ruajtjen e paqes dhe stabilitetit.