Në një intervistë për France Football, Leo Messi, ndër të tjera, ka treguar se pse e refuzoi 10-tën e Neymar kur mbërriti te PSG.
Messi në PSG kishte mundësinë të mbajë fanellën me numrin 10 që ishte një markë për të, atë menjëherë ia ofroi Neymar, por argjentinasi refuzoi.
“E 10-ta ishte për të. Un jam një lojtar i ri në ekip dhe jam këtu për të ndihmuar. Ishte një gjest i jashtëzakonshëm nga ana e tij. E prisja këtë sepse e njoh Neymar. Kam kaluar kohë me të në Barcelonë dhe jemi miq. “Mendoj se është e drejtë që ai të vazhdojë të mbajë fanellën me numrin 10. Prandaj zgjodha numrin 30”, ka treguar Messi.
Messi thotë se kurrë nuk e ka parë veten si futbollisti më i madh në histori.
“Kurrë nuk kam thënë se jam më i miri në histori. Për mua mjafton të shihem si një nga më të mirët në histori. Është diçka që nuk e kisha imagjinuar kurrë. Diçka që nuk më interesonte dhe nuk do të angazhohem kurrë të jem më i miri apo jo. “Kurrë nuk kam synuar të jem më i miri”.