“Shkëmbimi” është prodhimi më i ri kinematografik i regjizorit, aktorit Drilon Hoxha. Aksion, komedi, dramë, romancë, filmi që ka bërë bashkë aktorë të mëdhenj si Bujar Asqeriu, Sejfulla Myftari, Natasha Sela, Çun Lajçi, pritet të ketë një jehonë të gjërë, siç kanë patur filmat e mëparshëm të Hoxhës. Si protagonistë do të shohim Ana Likën dhe Drilon Hoxhën.
Për realizimin e filmit, regjizori është impenjuar maksimalisht duke xhiruar dhe jashtë vendit, madje deri në Amerikë. Situata pandemike ja vështirësoi më shumë punën, duke ndikuar në publikimin e filmit. Por pritja mori fund. Me 18 nëntor, “Shkëmbimi” do të shfaqet në të gjitha kinematë.
