Nga Vendim Demaj, anëtar i Këshillit Kombëtar, PD
Përfundimi, zgjedhja dhe çertefikimi i kryetarit të PD, që ditën e djeshme u pasua me falenderimin dhe mirënjohjen e z Basha për çdo anëtar që u bë pjesë e proçesit zgjedhor brenda partisë dhe në veçanti e 32882 anëtarëve që i besuan mandatin e 3,
duhet të jetë dita e fundit e falenderimeve dhe fillimi i një proçesi, analize të thellë llogaridhënie dhe nxjerrjen e përgjegjësive individuale të çdo kujt që para 25 Prillit ka marr përsipër një përgjegjësi drejtuese dhe përfaqësuese në terren.
Shitblerja e votës nga ana e pushtetit banditesk të Rilindjes, tashmë dihet deri në Honduras, që ka ndodhur në 28mijë km² të Shqipërisë dhe jo vetëm në Kavajë, Tiranë, Shkodër, Durrës, Gjitokastër etj etj.
I citova këto sepse duke njohur realitetin dhe zhgënjimin e banorëve që kishin dhe kanë, rezultati që kemi marr bie ndesh me pritshmërinë
dhe se disa përfaqësues të këtyre zonave që pas daljes së rezultateve kanë filluar të flen nëpër studiot televizive, për të na mbushur mendjen se e gjithë makineria kriminale e pushtetit Edvinian ka qenë e përqëndruar vetëm në zonat e tyre.
Askush nuk i mohon tonelatat me Lek, €uro të hedhura në treg nga banda qeverisëse, por depërtimi i tyre deri me listë dasme tek çdo votuesve ka qenë më i vështirë aty ku përfaqësuesit politik dhe struktura kanë qenë të angazhuar nonstop në terren dhe jo me intervale kohore sa për shfaqje virtuale në rrjetet sociale.
Prandaj detyra imediate e lidershipit të partisë është fillimi i skanimit të gjithë situatës së zgjedhjeve parlamentare dhe nxjerrja e përgjegjësive për këdo duke filluar nga vetja e tij deri tek anëtari më i thjeshtë i strukturës i cili ka pas një pozicion drejtues, të cilin dihet që ka lobuar shumë për ta marr me dëshirën e tij dhe jo me imponim apo detyrim nga partia.
Zgjedhjet brenda partisë ishin një super test për të mësuar se koha e shpërblimeve të skuthëve dhe servilëve duhet të marr fund,
pasi aty u vërtetua se shumë nga drejtues të strukturave tona ishin në linjë me udhëzimet dhe divergjencat që prodhonte makineria e plehut të bashkisë për të sabotuar pjesmarrjen në votime, saqë propoganda e ndonjë zyrtari partie ka arritur deri aty sa të shprehet se;
në këto zgjedhje duhet të japim vetëm kokrra votash me peshë, dhe jo masivitet në pjesmarrje,
a thua se vota e tyre peshon më rëndë dhe ka më vlerë sesa vota e një anëtari të thjeshtë,
kështu që koha për të filluar një etapë të re është tani, #TimeItsNow në mënyrë që të ringrihemi mbi baza të shëndosha dhe të mos peshojmë, besojmë në mashtrues manipulator dhe aktor hileqar.
#DitëMëTëMira ✌?✌
