Nga Fatjona DHIMITRI
Masakra elektorale e 25 prillit, zhgënjeu dhe deformoi pritshmëritë e shqiptarëve për ta parë Shqipërinë si giithë Europa. Zgjedhje të vjedhura, vullnet i tjetërsuar në errësirën e një regjimi diktatorial që plaçkit të pambrojturit për të fuqizuar babëzitë e të pangopurve, aty ku pushtetarët edhe ligjet i hartuan për të mbrojtur dinastinë e krijuar në 8 vite megakorrupsion, duke shkatërruar e bastisur çdo pasuri kombëtare…
Regjimi i instaluar prej autokratit, përmes uzurpimit të institucioneve, interesat klienteliste dominuese në emërimet nepotike në pushtetin gjyqësor deformuan esencën e reformës në drejtësi që Dvorani dhe mëkëmbësit e pushtetit advokuan me bekimin e ndërkombëtareve…
Demaskimet dhe denoncimet e opozitës, Partisë Demokratike dhe liderit të saj Z.Lulzim Basha, në frontin e parë të betejës me ashpërsinë e Partisë -shtet, në këto 8 vite keqqeverisje hodhën dritë mbi aferat korruptive të mazhorancës, tentativa për të mbyllur gojën medias e mjeteve të informimit publik, kërcënimet e herëpashershme deri në arrestimin e gazetarëve qëllimisht për t’i ndëshkuar shqiptarët në terr informativ ndaj realitetit plangprishës, uzurpimin e institucioneve nga familjarët e oligarkët miq të individëve të veshur me kollaren e pushtetarit, miliardiat e abuzimit me tenderat në shëndetësi e infrastrukturën rrugore, masakra në buxhetin e shtetit me vjedhjet për inceneratorët, borxhi publik më i larti në rajon thellon greminën ekonomike të vendit, keqmenaxhimi i pandemisë globale dhe fshehja e shifrave mbi infektimet e humbjet e jetëve njerëzore, shtimi i kërkesave për azil prej mjerimit të tejskajshëm ekonomik ku janë zhytur familjet shqiptare…
Shqipëria sot më shumë se kurrë, në vorbullën e ekzistencës së individit, kërkon staturën publike e politike të një lideri europian për ta udhëhequr në sfidat e integrimit drejt Perëndimit të ëndërruar ndër dekada…
Z. Basha tek çdo demokrat afirmohet si një lider me orientim perëndimor, me platformë dhe ide të qarta për rimëkëmbjen ekonomike të vendit tonë, me një model suksesi të skalitur në memorjen kombëtare si liberalizimi i vizave, anëtarësimi i Shqipërisë në Aleancën Euroatlantike, Nato.
Demokratët e Përmetit dhe gjithë anëtarësia e Qarkut Gjirokastër mbështesin Z. Lulzim Basha, jo vetëm si liderin e demokratëve por dhe si drejtuesin që vendi ynë ne ditët më të vështira për fatin e qytetarëve të vet kërkon, për t’i orientuar në rrugëtimin drejt Fitores mbi korrupsionin, krimin, oligarkinë që prej vitesh mban peng jetët e qytetarëve të thjeshtë e të varfër në përpjekje për tu çliruar nga burgu dhe etja e pashpresë për ardhmërinë e bijve te tyre…
