Nga Mariglend DOÇI, anëtar i kryesisë së FRPD-së
Kur nuk mandatoheni nga qytetarët sigurisht ata nuk janë prioriteti juaj, prioriteti juaj i vetëm është shfrytëzimi politik i pushtetit për tu pasuruar në kurriz të qytetarëve të Kurbinit.
Që nga 2013 me qeverinë qendrore dhe që nga 2015 me ndarjen e re territorjale qytetarët e Laçit, Mamurrasit, Milotit dhe Fushë-Kuqes që i përfshin bashkia Kurbin drejtohen nga të majtët. Me gjithë premtimet e bëra herë nga Edi Rama i qeverisë e herë nga Edi Ramat e bashkisë gjendja mbetet e njejtë.
Kjo zonë vuan që nga 2015 problemin e ujti të pijshëm, asnjë zgjidhje deri më sot!
Kjo zonë vuan infrastrukturën rrugore në lagjet dhe fshatrat të administruara nga bashkia Kurbin, asnjë zgjidhje deri më sot!
Kjo zonë vuan papunësinë e të rinjëve dhe grup moshat e tjera por e vetmja zgjidhje është emigrimi masiv.
Kjo zonë ka marrë zero investime dhe vëmendje nga qeveria socialiste deri më sot.
Kjo zonë e prekur nga termeti i 21 Shtatorit ku janë dëmtuar me dhjetëra banesa deri më sot qytetarët nuk kanë marrë asnjë shërbim.
Kjo zonë e prekur nga termeti i 26 Nëntorit dhe deri më sot qytetarët janë sorollatur dhe lënë në mëshirë të fatit duke mos u dhënë asnjë zgjidhje për banesat e dëmtuara por duke bërë vetëm premtime boshe, të moshuar, të rinjë, fëmijë madje edhe të porsalindur nëpër çadra vazhdojnë të përballen me dramën që la pas tërmeti i nëntorit.
Drejtuesit e bashkisë së Kurbinit ti kthehen sa më parë shërbimit të qytetarëve dhe ti lënë lojërat politike pasi njerëzit duan zgjidhje përpara se të fillojë dimri i acartë.
Ndërsa drejtuesve politik ju themi që do ta merrni përgjigjen me 25 Prill ku do t’ja presim kokën e meduzës së krimit dhe korrupsionit për të shpëtuar Shqiptarët nga banda që drejton Edi Rama.
P.S. Ndërsa qytetarëve të Kurbinit do ja rikthejmë bashkinë shumë shpejt në shërbim të tyre, mbase me ligjin e dekriminalizimit edhe më shpejt sesa e mendojmë ne dhe drejtusit e bashkisë pasi të kaluarën nuk ka forcë, para dhe pushtet që e blen.
