Ajsi është një vajzë 11-vjeçare e cila ndryshe nga moshataret e saj, kohën e kalon duke u ushtruar. Kërcimi është pasioni më i madh të cilit i është dedikuar plotësisht që në vegjëli.
Hip hop, breake dance, kërcim rruge, akrobaci, balet klasik, kërcime modern dhe jo vetëm, janë zhaneret të cilat i zotëron më së miri. Me një talent të lindur dhe shumë punë brënda pak kohësh ajo u bë pjesë e 10-tra videoklipeve shqiptare si balerinë e parë, me këngëtarë si:
Ronela Hajati- “Maje men”
Stine- “Dashnia Domimante”
Baby G- “Mos u nal” etj.
Ajsi merr mbi supe çdo lloj sfide edhe pse veten e gjen më shumë në kërcimin “hip-hop”.
Vogëlushes i janë besuar pjesë të rëndësishme të çdo lloj zhaneri, të cilat i ka realizuar me shumë profesionalizëm.
Miqtë, të afërmit dhe kushdo që e njeh i kërkojnë të performojë diçka, qoftë dhe në rrugë.
Natyra e saj pa komplekse e bën të mos e ketë fare problem, përkundrazi dhuron show për të gjithë kalimtarët duke i bërë të gjithë të hakërrojnë sytë dhe ta pyesin se si arrin ta bëjë.
Ajo thotë se është e hapur edhe për sfida kërcimi dhe që sfidat janë më interesante.
Takimet me Ajsin nuk janë të zakonshme dhe monotone. Do të dijë gjithçka dhe gjithçka di e ndan me të tjerët. Është shumë aktive dhe energjike, aq sa bisedën e zhvillon në formë interviste për të të njohur më mirë. E kur e pyesin se kush është numri i saj i preferuar, përgjigjen do ta argumentojë.
-5-a pasi në këtë datë kam lindur dhe numri 5 është numri i parë në kërcim.
Dolëm pak nga konteksti, pasi ka shumë për të treguar për këtë MULTITALENT e cila veç kërcimit që tashmë ka pushtuar skena, klipe, faqe revistash, emisione etj, ajo është e talentuar në aktrim dhe ka një imagjinatë tepër të zhvilluar, që të bën të besosh se kemi të bëjmë me një regjizore të ardhshme.
Sikur të mos mjaftonin, kur Ajsin e pyesin për hobin e saj, ajo tregon se është stilimi.
Me mbi 7 mijë ndjekës në rrjetet sociale, shpesh bën postime të ndryshme në shenjë mirënjohje për ta.
Çdo melodie dhe kënge që i pëlqen, Ajsi i përshtat një keorografi që të lë pa fjalë. Natyra dhe zhdërvjelltësia e saj jsnë një shembull për të gjithë!/InfoPressAlbania/
