Nga Agron PREBIBAJ
Gazeta Euro Albania dhe shoqata Nikaj- Mertur, urime për Dr. Dedë Qokaj
Sot gazeta Euro Albania dhe shoqata Nikaj Mertur organizuan një kokteil për të nderuar dr. Dedë Qokaj menjëherë pas marrjes së gradës doktor i shkencave në gjuhësi, gjuhën tonë të ëmbël e të dashur shqipe.
Sot Nikaj Merturi rëndit numrin 27 të profesorëve e doktorëve të shkencave në të gjitha fushat, me nga 0.9 person në çdo familje me arsim të lartë duke u rënditur e para në shkallë kombëtare(komuna) pa proporcion popullsie si zona më e arsimuar, çka do të thotë privatësia e qytetarisë së etur në shekuj për liri e dituri.
NikajMertursit ndër breza kanë patur identitetin, virtytet, doket e zakonet edhe me veçantinë e vet, të cilat shpesh herë për studiuesit përcjellin krenarinë ķombëtare.
Atëherë kur Zoti foli shqip dhe i fali Shqipërisë 460 km vijë bregdetare, fusha, kodra, male, lëndina, livadhe, ujëra të bollshme e pasuri nëntokësore që nga Myzeqeja e deri lart në Veri, aty përmbi Drin në luginën e Nikaj Merturit përmbi krye Zoti ndaloi të pikturonte më mirë amfiteatrin e Curraj Eper për të dhuruar mrekullinë që befason e mahnit njeriun e botës tonë.
Profesori Dedë Qokaj pak ditë më parë merr titullin doktor i shkencave i cili rrit dhe krenon të gjithë miqtë e vet të cilët e njohin nga afër për cilësitë e tij njerëzore e intelektuale në fushën e gjuhësisë, hulumtimit, e etnografisë, vërtetë personaliteti që zën vendin e vet edhe pse me vonesë për meritoelitë.
Në mes tij vjen vija ndarëse e pasimit të shkollës së jetës së ashpër të Curraj Eper, kur i zoti i shtëpisë, apo të mëdhenjtë flisnin e të vegjlit dëgjonin për t’u përgatitur për nesër, ndërsa flinin me kokë në cumer e në shekuj më parë në fir e lëkura, asnjëherë zjarrin në mes të votrës, por i ndërtuar oxhaku në kullat e tyre dykatëshe për të tërhequr tymin e blozën.
Frymëzimi i Dedë Qokaj vjen nga Ati i mëndjes Kukel Ndou, nga Balec Gjoni, Pal Nika, Mirash Gjoni, Gjelosh Rama, Bajram Curri etj, personalitete të shkëlqyera e referencë e zonave të Veriut e përfaqësues të denjë në të gjitha etapat e historisë shqiptare; Lidhja e Prizrenit, Kongresi i Lushnjes qeveria e Fan Nolit, më të përjashtuar nga sistemi komunist, porse më të mirë arsimuarit në rang kombëtar.
Gjithsesi sot ishte dita e Dedë Qokaj, vetëm urime dhe fjalë zemre nga të gjithë intelektualët pjesëmarrës në festën vllazërore miqësore e organizuar nga miqtë e kolegët e tij, nga kryeredaktori i demokristianëve shqiptar Agron Prebibaj dhe kryetari i shoqatës Nikaj Mertur dr. Mhill Gecaj.
Aty folën të gjithë nëpërmjet urimit e ngrohtësisë për profesor Dedë Qokaj.
Në fjalën e tij doktor Mhill Gecaj vlerësoi zotin Qokaj si krenaria e Nikaj Merturit, ndërsa prof dr. Lush Susaj e ka vlerësuar si elitarë në pasurimin e gjuhësisë.
Ndërsa n/kryetari i Bashkisë Kamëz z. Prelë Gjonpali e ka cilësuar zotin Qokaj si personalitetin e shkëlqyer të arsimit shqiptar.
Po ashtu poeti Gjin Progni është dëgjuar mjaft krenar me bashkë nikajmerturasin Qokaj në suksesin e tij në fushën e gjuhësisë.
Edhe studiuesi Pjeter Meta e ka uruar përzemërsisht duke e vlerësuar si njeriun e thjeshtë me produkt të lartë, e mbyllur kjo me urime nga Pashk Preka, Kolë Buja, Lekë Vatnikaj, Ndoc Malaj etj.
Përmbyllja vjen me mesazhin e Pashko Gecaj; prof. Deda, e gëzofsh doktoraturën, qofsh faqebardhë gjithë jetën tënde!
Ngacmuese dhe njerëzore ishte telefonata e komisarit Gjin Gjoli, n/kryetar i shoqatës Nikaj Mertur i cili në pamundësi për të qënë prezent jep mesazhin: Urime vllazërore për Dedë Qokaj’n, e epja Zot Nikaj Merturit.
Urime Dedë Qokaj.