Të burgosurit në një burg në veri të Hondurasit kanë nisur të rebelohen. Si pasojë e trazirave të shkaktuara, deri tani numërohen 18 të vdekur dhe 16 persona të plagosur. Për shkak të situatës së krijuar, autoritetet vendase janë detyruar të shpallin gjendjen e jashtëzakonshme.
Po ashtu, mediat lokale raportojnë se për pasojë autoritetet janë detyruar të marrin vendimin që gjithçka ka ndodhur pas vendimit që administrata civile mbi burgjet t’i kalojë komisionit të posaçëm nën udhëheqjen e ushtrisë dhe policisë.
Ky moment është shfrytëzuar nga të burgosurit në qytetin Tela. Një nga zyrtarët e komisionit të posaçëm, Jose Coello ka deklaruar për mediat se gjithçka nisi papritur.
“Të paktën 18 njerëz u vranë në trazira dhe 16 u plagosën. Në burg janë dërguar forcat e sigurisë për të shtypur rebelimin. Lidhur me rastin kanë nisur hetimet”, tha Jose Coello.
